米路可救国足

就快到马年,回想上一次马年,巴西五夺世界盃冠军,中国队就喺米路天奴域任教下,首度打入决赛周。当年好多人讲,中国队能够「入世」,主要因为日本同南韩係主办国唔使踢外围赛,但係大家唔好忘记,2000年亚洲盃中国队喺米路领军下杀入4强,以2比3仅败予日本,季军战也仅负于南韩,当时中国队属亚洲前四,就算係4个出线名额,中国队都有份。经过12年,中国足球没有寸进,反而成绩大不如前,甘马曹出任中国教头,亦不外如是。有传米路天奴域可能重掌中国帅印,如果成为事实,中国队就有救。过去多年来,米路是唯一一位可以搞掂中国传媒嘅领队,无论教波及面对传媒,佢都有自己嘅方法,而且能够将各省球员连成一线,若佢真係再教中国队,国足就有望复甦。

上一篇:
下一篇: